Castelo de Montemayor del Río
Castelo de San Vicente | |
---|---|
ben de interese cultural | |
Concello | Montemayor del Río |
Provincia | Salamanca |
Comunidade autónoma | Castela e León |
Coordenadas | 40°20′57″N 5°53′33″O / 40.349161, -5.892439Coordenadas: 40°20′57″N 5°53′33″O / 40.349161, -5.892439 |
Estilo arquitectónico | |
Estilo orixinal | románico (século XIII) |
Estilo actual | Restaurado |
[ editar datos en Wikidata ] |
O Castelo de Montemayor del Río, tamén coñecido como Castelo de San Vicente, encóntrase no alto dun monte agochado nun val xunto á fronteira con Cáceres, na localidade de Montemayor del Río, provincia de Salamanca, Castela e León, España.
Historia
[editar | editar a fonte]Esta vila e o seu castelo tiveron por donos, alá por 1220, o rei Sancho I de Portugal e o seu fillo Afonso "o Gordo". Máis tarde, cara a 1285, foi señor da vila Don Pedro, o fillo máis vello de Afonso X o Sabio. O conxunto actual parece que foi construído nos séculos XIV e XV, probablemente polo infante Don Pedro, ou polo seu fillo Don Sancho. Foi propiedade da familia real ata o ano 1458, cando foi doado polo príncipe Henrique (futuro Henrique IV) a Juan de Silva.
Descrición
[editar | editar a fonte]O recinto principal está reforzado con torres redondas e cadradas, entre as que sobresae a da Homenaxe. O seu perímetro non é excesivo e está rodeado dunha simple muralla que conta con porta cara ao oeste, para a defensa dunha ponte, e por alí, desprendéndose cara a abaixo, espállase o casarío da vila. O interior, onde se atopan a parroquia e casas anexas, esta zona é coñecida coma El Cortinar.
Pola parte oriental destaca o verdadeiro castelo e á vez pazo, cun foxo, antemuro no que se abre un pequeno arco semicircular, entre cubos pequenos, e detrás o recinto principal, reforzado por torres cadradas e redondas entre as que sobe, cara ao norte, a torre da homenaxe. A porta, en ángulo dentro dunha torre, ten dous arcos, un agudo e outro escarzano, cunha garita enriba. as xanelas son alinteladas, despois de perder varias delas a decoración que tiñan cara ao exterior, e as ameas están provistas de troneiras redondas e seteiras.
Estado de conservación
[editar | editar a fonte]Foi resturado recentemente.
Propiedade e uso
[editar | editar a fonte]O castelo pertence ao concello de Montemayor, o cal regula as visitas guiadas polo castelo.
Visitas
[editar | editar a fonte]Despois da súa reconstrución, foi aberto ao público o 12 de xuño de 2009, e no seu interior acolle o Centro de Interpretación Medieval. O castelo non pode visitarse de xeito libre, só coas visitas guiadas. Estas visitas poden realizarse de martes a domingo pola mañá ás 10:00, 11:30 e 13:00, e os venres e sabados pola tarde ás 17:00 e 18; 30. O prezo é de 2? entre 6 a 12 anos e maiores de 65, e 3? entre 12 e 65 anos. Grupos de máis de 10 persoas, 2? indistintamente da idade.